د کرنې، اوبولګولو او مالدارۍ وزارت وايي، چې د دغه وزارت سرپرست په کابل کې د ایران د سورنا سپهر پارس نندارتون له مشر سره وکتل. په دې کتنه کې د دغه شرکت مشر وويل چې په نږدې راتلونکي کې به په افغانستان کې يو کرنيز نندارتون جوړ کړي.

د اسلامي امارت د انرژۍ او اوبو سرپرست وزیر ملا عبداللطیف منصور له یو ایراني شرکت سره د بیلابیلو سرچینو څخه د بریښنا د تولید، لیږد او ویش په برخه کې د پانګونې په اړه د دوه اړخیزو همکاریو تفاهم لیک لاسلیک کړ.