د احصایې او معلوماتو ملي اداره وايي، په هېواد کې د برېښنايي تذکرو د وېش بهیر له پیل راهیسې تراوسه ۱۲ میلیونه او ۲۸۸ زره هېوادوالو ته برېښنايي تذکرې وېشل شوي دي.

د بهرنیو چارو وزارت چارواکي وايي، په درېیو هېوادونو (ایران، ترکیې او پاکستان) کې یې د افغان کډوالو د ستونزو د حل په موخه د پاسپورټونو د وېش لړۍ پیل کړې ده. دوی ټینګار کوي چې د سیمې په هېوادونو کې د افغان کډوالو د لا زیاتو ستونزو د حل په موخه په ازبکستان او چین کې د دغه بهیر د بیا پیلولو هڅې کوي.

لکه څنګه چې پخوا د آوا خبری آژانس خبریال تهران ته د افغانستان د بهرنیو چارو وزارت د یوه هیئت د لومړنی سفر په هکله چې د الکترونیکی پاسپورت د ویش بهیر د پیل لپاره یې زمینه برابره کړې وه، خبر ورکړی وو، اوس اسلامی امارت ته یوې نږدې سرچینې تهران ته د دغه پلاوی د سفر او په راتلونکو لسو ورځو کې د دغه بهیر د پیلیدو د احتمال خبر ورکړی دی.