د اسلامي امارت سترې محکمې د یوې لایحې په صادرولو سره د لوی اختر په مناسبت د ۲۱۷۸ بندیانو د خلاصون او د یو شمیر نورو بندیانو د بند موده کمه اعلان کړه.

د اسلامي امارت ویاند ذبیح الله مجاهد وايي چې د اسلامي امارت مشر ملا هبت الله اخندزاده د ولایتونو د اطلاعاتو او کلتور رئیسانو ته ویلي چې د اسلامي شریعت پلي کول باید په لومړي ګام کې وي.

د فاریاب ولایت سیمه ییز چارواکي وايي، د دغه ولایت په مرکز میمنه ښار کې د "فاطمة الکبری" په نوم یو لوی خصوصي ښوونځی چې د ۱۰۰۰ زده کوونکو په ظرفیت جوړ شوی، د نجونو لپاره پرانیستل شوی دی.

د افغانستان د اسلامي امارت رهبري شورا د کوچني اختر په مناسبت په یوه پیغام کې ویلي چې افغانستان له خپلو ګاونډیانو، اسلامي هېوادونو او نړۍ سره د اسلامي اصولو په رڼا کې مثبت تعامل غواړي او د افغانستان په چارو کې لاسوهنه نه منو ځکه چې دا کار نه د دوی په ګټه ده او نه هم د افغانستان په ګټه.

د اسلامي امارت مشر ملا هبت الله اخندزاده په یوه غږیز ټیپ کې چې تېره ورځ (چهارشنبه، حمل ۲۳) د حکومت د ویاند ذبیح الله مجاهد له لوري خپور شو، یو ځل بیا قاضیانو ته د عدالت د تامین او د ظلم او بې عدالتۍ پر وړاندې د مبارزې په اړه وینا وکړه او د حضرت علی (ع) څخه په الهام اخېستلو سره تاکید وکړ او ویې ویل: بې انصافی به هېواد تباه کړی.

د اسلامي امارت مشر ملا هبت الله اخندزاده د افغانستان د ګمرک له مسئولینو سره په کتنه کې د هېواد د سوداګرو لپاره د لازمو اسانتیاوو په برابرولو د ټینګار ترڅنګ له ګمرکونو څخه وغوښتل چې له خلکو سره ښه چلند وکړي.

د اسلامي امارت مشر ملا هبت اخندزاده د هیواد د بیلابیلو ولایتونو د دیني علماوو د سرتاسري شورا له یو شمیر غړو سره مشورتي ناسته وکړه او ټینګار یې وکړ چې د خلکو زیاتې ستونزې د مشورې له لارې حل کیږي.