د راپورونو له مخې، د "افغان ټرانس" اورګاډي کرښې د جوړولو لګښت چې د خصوصي او دولتي سکتور په همکارۍ جوړېږي، اووه میلیارده ډالره اټکل شوی دی.

په اسلام آباد کې د افغانستان سفارت وايي، چې د افغانستان، پاکستان او ازبکستان د چارواکو ترمنځ د ټرانس-افغان اورګاډي د پټلۍ د غځولو تړون لاسلیک شو.

د اسلامي امارت د ریل پټلۍ عمومي رئیس ملا بخت الرحمن شرافت د افغانستان، پاکستان او ازبکستان د ریل پټلۍ د مسوولینو ترمنځ په درې اړخیزه ناسته کې د افغان - ټرانس پروژې د عملي کار په ژر پیلیدو ټینګار وکړ.

د افغانستان د اوسپنې پټلۍ اداره وايي چې د افغانستان د ټرانس اورګاډي د پروژې د پرمخ بیولو لپاره د ازبکستان په پلازمېنه تاشکند کې د پروژې د شریکانو له خوا یو ګډ دفتر پرانیستل شوی دی.

د افغانستان د اورګاډي پټلۍ اداره وايي، چې د دې ادارې مشر بخت الرحمن شرافت د پاکستان د اورګاډي له مرستیال سره د افغان - ټرانس پټلۍ د تخنیکي مطالعاتو په اړه خبرې کړې دي.

د هېواد د اورګاډي د پټلۍ د ادارې مشر د دې په څرګندولو سره چې له ازبکستان او پاکستان سره د افغان - ترانس پروژې د پیل لپاره خبرې روانې دي، زیاتوي چې د دغې پروژې لګښت چې منځنۍ اسیا او جنوبي اسیا سره نښلوي، پنځه میلیارده ډالره کېږي. اړتیا ده چې نړیوال بنسټونه په دې برخه کې پانګونه وکړي.