د اسلامي امارت د ریل پټلۍ عمومي رئیس ملا بخت الرحمن شرافت د افغانستان، پاکستان او ازبکستان د ریل پټلۍ د مسوولینو ترمنځ په درې اړخیزه ناسته کې د افغان - ټرانس پروژې د عملي کار په ژر پیلیدو ټینګار وکړ.

د هېواد د رېل پټلۍ رياست وايي، چې د دې ادارې مشر بخت الرحمن شرافت د پاکستان د اورګاډي له مسوولينو سره د خبرو په موخه دغه هېواد ته سفر کړى دى.

د افغانستان د ریل پټلۍ چارواکي وايي، د ثور په میاشت کې څه باندې ۴۲۷ زره ټنه توکي د اورګاډي پټلۍ له لارې انتقال شوي دي.

د هېواد د اوسپنې پټلۍ ادارې چارواکي د خپل کلني راپور په خپرولو سره وايي، تېر کال د هرات، اقینې او تورغونډۍ له بندرونو ټولټال ۴ میلیونه ۶۷۳ زره ۹۲۹ مټریک ټنه مالونه لېږدول شوي چې د تېر کال په پرتله ۳۶ سلنه زیاتوالی ښيي. دوی زیاتوي، په ټول هېواد کې د مالونو د لېږد بهیر د مدیریت له لارې ۳ میلیارده ۱۸۸ میلیونه ۸۰۰ زره ۱۳۲ افغانۍ عواید راټول شوي دي.