په کابل کې د اسلامي امارت سرپرست والي محمد قاسم خالد په افغانستان کې د ملګرو ملتونو د مرستندویه پلاوي (یوناما) د مرکزي زون د دفتر له مشر انیت لیت سره په کتنه کې وویل چې ملګري ملتونه باید د اوبو د کمښت د له منځه وړلو لپاره همکاري وکړي.

د کډوالو نړیوال سازمان اعلان کړی چې ۷۹ سلنه افغانان د څښاک، پخولو، حمام او مینځلو لپاره کافي اوبو ته لاس رسی نه لري. دغه سازمان زیاته کړې، چې په افغانستان کې د ۲،۳ میلیونه وګړو لپاره د څښاک پاکو اوبو ته د لاسرسي لپاره ۳۳ میلیونه ډالرو ته اړتیا ده.