د سالنګ لویه لار چې څو میاشتې وړاندې د بیارغونې له امله د ټرافیکو پرمخ تړل شوې وه، نن سهار د یو لړ مراسمو په ترڅ کې د اسلامي امارت د لوړپوړو چارواکو په ګډون پرانیستل شوه.

د فواید عامې وزارت چارواکي وايي، چې دا مهال د تونل دننه د کانکریټو او ۱۶ ګیلریونو کار بشپړ شوی، خو له تخنیکي پلوه باید د کانکریټ کار له پای ته رسېدو ۲۸ ورځې تېر شي، څو د موټرو لپاره چمتو شي. د چارواكو په وينا، دغه لويه لار به ډېر ژر د ترافيكو پر مخ پرانيستل شي.

د سالنګونو د ساتنې مسوولين وايي، چې د سالنګ تونل دننه د کانکريټينګ چارې به په دوو مياشتو کې بشپړې شي.

د فواید عامې وزارت ویاند وايي چې اور لګېدنې د سالنګ تونل په جدي توګه نه دی ویجاړ کړی. خو په دې پېښه کې ۲۵ مسافر وړونکي او بار وړونکي موټر سوځېدلي او خلکو ته درانه زیانونه اوښتي دي.

د ايران د اسلامي جمهوريت د بهرنيو چارو د وزارت وياند د سالنګ د تونل د ترافيکي پيښې په غبرګون کښې چې په نتيجه کښې يې د لسګونو هېوادوالو مړه او ژوبل شول، د افغانستان له خلکو او د قربانيانو له کورنيو سره خپله خواخوږي څرګنده کړه.

د اسلامي امارت ویاند ذبیح الله مجاهد د سالنګ تونل له پیښې وروسته چې په پایله کې یې ۱۲ تنه هیوادوال شهیدان او تر ۳۷ زیات ټپیان شول، وویل چې د اسلامي امارت ټولو اړوندو ادارو ته لارښوونه کوي چې د دا ډول پیښو د تکرار د مخنیوي لپاره هلې ځلې وکړي.

د عامې روغتیا وزارت او د پروان ولایت چارواکي وايي، چې تر اوسه د پېښې له ځایه ۲۰ مړي او ۳۷ ټپیان روغتونونو ته لېږدول شوي دي، خو تر اوسه معلومه نه ده چې په تونل کې څومره مړي او ټپیان پاتې دي. د فواید عامې وزارت ویاند دا هم وویل چې لاره د ترافیکو پر مخ تړل شوې او مسافر باید تر بل خبرتیا پورې سالنګ ته تګ راتګ ونه کړي.