د افغانستان د ریل پټلۍ ریاست اعلان کړی چې د دې ادارې مشر ملا بخت الرحمن شرافت د روسیې فدراسیون په رسمي بلنه د استراخان په نړیوال فورم کې د ګډون په موخه د یوه پلاوي په مشرۍ روسیې ته سفر کړی دی.

د هېواد د اورګاډي د پټلۍ د ادارې مشر د دې په څرګندولو سره چې له ازبکستان او پاکستان سره د افغان - ترانس پروژې د پیل لپاره خبرې روانې دي، زیاتوي چې د دغې پروژې لګښت چې منځنۍ اسیا او جنوبي اسیا سره نښلوي، پنځه میلیارده ډالره کېږي. اړتیا ده چې نړیوال بنسټونه په دې برخه کې پانګونه وکړي.