د ملي دفاع وزارت وايي، د ۲۰۳ منصوری قول اردو امنیتي او دفاعي ځواکونو د کشفي راپورونو بنسټ په خوست او لوګر ولایتونو کې د یو لړ عملیاتو په ترڅ کې یوه اندازه وسلې او مهمات کشف او ترلاسه کړي دي.

د سمنګان د امنيه قوماندانۍ د ترهګرۍ پر وړاندې د مبارزې مدير وايي، چې په تېرو درېيو مياشتو کې د دغه ولايت پوليس توانېدلي، چې ٢٨ ميله وسلې او څه باندې ١٣ زره بېلابېل مرمۍ کشف او ترلاسه کړي.

د اسلامي امارت د دفاع وزارت ویاند وايي، د ۲۰۱ خالد بن ولید قول اردو منسوبینو د کشفي او استخباراتي راپورونو په ترڅ کې د هیواد په ختیځ کې په بیلابیلو سیمو کې چاڼیز عملیات پیل کړي، چې په پایله کې یې ۵۶ میله سپکې او درنې وسلې او یوه اندازه مهمات کشف شوي.

د ميدان وردګ د امنيه قوماندانۍ مطبوعاتي دفتر وايي، چې د دغه ولايت په يو شمېر ولسواليو کې يوه اندازه وسلې د امنيتي ځواکونو لاس ته ورغلي دي.