د هوا پېژندنې ادارې له نن (سه شنبه، دلوې ۲۵) څخه تر سبا چهارشنبه (دلوې ۲۶) په ۱۵ ولایتونو کې د باران او واورو د ورېدو خبرداری ورکړی دی.

د بلخاب د سرپل ولسوالۍ اوسېدونکي له لسمې ورځې راهیسې د لارې له بندېدو شکایت کوي او وايي چې له لسو ورځو راهیسې یې ترانسپورتي لار نه ده پرانیستل شوې او د اومو موادو بیه هم دوه برابره شوې ده، خو د سرپل ځايي چارواکو "په نږدې راتلونکي کې" د دغې لارې د بیا پرانیستلو اعلان وکړ.

په ورته وخت کې په مرکزي سیمو په ځانګړې توګه بامیان ولایت کې د سړې او ژمي موسم له پیلېدو سره د دې ولایت اوسېدونکي هم د مواصلاتي لارو د بندېدو، د ګرمو توکو، خوراکي توکو او جامو د بیو لوړوالي اندېښمن کړي دي.