د ملګرو ملتونو د ماشومانو وجهي صندوق (یونیسف) ویلي، چې په افغانستان کې د ناچاودېدونکو جنګي مهماتو ۸۵ سلنه قربانیان ماشومان دي، دغه سازمان زیاته کړې، چې افغانستان یو له هغو هېوادونو څخه دی، چې په جنګي وسلو ککړ دي.

د افغانستان د بیارغونې لپاره د امریکا د ځانګړي مفتش دفتر (سیګار) وايي، که څه هم نړیوالو سازمانونو تر اوسه له ۱۳ میلیونو زیات ناچاوده توکي پاک کړي، خو ناچاوده ماینونه لا هم د افغان ماشومانو ژوند ګواښي.