د اسلامي امارت سیمه ییزو چارواکو په لغمان، کاپیسا او جوزجان ولایتونو کې د طبیعي پېښو له زیانمنو شویو ۱۲۳۵ کورنیو سره د نړیوالو مرستندویه موسسو له لوري د نغدي او غیرې نغدي مرستو د وېش اعلان وکړ.

د طبیعي پېښو پر وړاندې د مبارزې وزارت چارواکي وايي، د روان کال له پیل راهیسې په هېواد کې د بېلابېلو طبیعي پېښو له امله ۱۵۱ کسان وژل شوي او ۲۲۵ نور ټپیان شوي دي.

د بهرنیو چارو وزارت سرپرست امیرخان متقی د کډوالو د نړیوال سازمان له مرستیال سره په لیدنه کې ویلي، چې په هېواد کې د اسلامي امارت له جوړېدو راهیسې هیڅ افغان د سیاسي دلایلو له مخې هجرت ته نه دی اړ شوی.