د اسلامي امارت د مالیې وزارت د افغانستان د اقتصادي وضعیت په اړه د ملګرو ملتونو د سرمنشي انتونیو ګوترش وروستۍ څرګندونې رد کړې دي.

امیرخان متقي؛ د بهرنیو چارو وزیر په تاشکند کې د افغانستان د امنیت او اقتصاد په اړه په نړیوال کنفرانس کې پر افغانستان د امریکا د بندیزونو د لیرې کېدو غوښتنه وکړه او ویې ویل چې په هېواد کې د بې وزلۍ د پراخېدو یو لامل د امریکا بندیزونه دي.

دا چې هېواد اقتصاد له بحران سره مخ دی او نړیوالو سازمانونو په وار وار په دې اړه خبرداری ورکړی، سره صلیب د روان وضعیت په اړه اندېښنه ښودلې او له افغانستان سره یې د ۸۰ میلیونه فرانکو بیړنیو مرستو غوښتنه کړې ده.