افغان پوځ ډیورنډ کرښې ته څېرمه پوځي تمرینات پیل کړل

د افغانستان ملي دفاع وزارت وایي، د یادو تمریناتو موخه دا ده چې پوځ د غیرقانوني اقداماتو او د احتمالي خطرونو پر وړاندې چمتو کړي.
د دوی په خبره، په دې تمریناتو کې هوایي او ځمکنی ځواک برخه لري او له غټو او وړو وسلو په کې کار اخیستل کېږي.
د یادولو ده چې افغان پوځ دوې ورځې وړاندې په ننګرهار ولایت کې هم ډېورنډ فرضي کرښې ته څېرمه نظامي تمرینات ترسره کړي وو.
دا په داسې حال کې ده چې په دې وروستیو کې د پاکستان حکومت له خوا د ډیورڼد فرضي کرښې پر ځینو سیمو د اغزن تار تېرولو د ډېرو افغانانو غبرګونونه را پارولي دي او له افغان حکومت څخه غوښتنه کوي چې د پاکستان د دې کار مخنیوی وکړي.