ملګري ملتونه له پاکستان څخه ایستل شویو کډوالو ته لومړنۍ مرستې او سرپناه ورکوي

افغان غږ خبری آژانس: د کندهار ولایت مقام مطبوعاتي دفتر د یوې خبرپاڼې په خپرولو سره ویلي چې سټیفن ریډیګر دغه څرګندونې د کندهار ولایت له سرپرست ملا شیرین اخند سره په کتنه کې وکړې.

نوموړي په خپلو خبرو کې وویل: افغانستان په تېرو دوو کلونو کې ډېر څه ترلاسه کړي، د کوکنارو د کښت مخنیوی، د امنیت تامین او د فساد له منځه وړل د افغانستان اسلامي امارت له سترو لاسته راوړنو څخه دي.

سټيفن کندهار ته د خپل سفر په اړه زياته کړه، چې غواړي د راستنېدونکو افغان کډوالو وضعيت له نږدې وڅېړي او بيا له ځايي چارواکو سره په مشوره هغوى ته د سرپناه او کار زمينه برابره کړي.

په دې کتنه کې ملا شیرین اخند د افغانستان د خلکو لپاره د ملګرو ملتونو سازمان د فعالیتونو قدرداني وکړه او د راستنېدونکو لپاره د سرپناه د جوړولو، په ښار او کلیو کې د روغتیايي خدمتونو د وړاندې کولو او د نورو اړینو پرمختیايي کارونو په پلي کولو کې یې د همکارۍ غوښتنه وکړه.