په ورته وخت کې د اسلامي امارت او امریکا ترمنځ د دوحې د سولې د هوکړه لیک د لاسلیک د کلیزې په مناسبت د هرات د اطلاعاتو او فرهنګ رییس وايي چې د حوت لسمه د افغانستان د ټولو خلکو لپاره یوه تاریخي ورځ ده.
دخپریدو نیټه :جمعه ۱۱ حوت ۱۴۰۲ ساعت ۱۲:۳۰
د مطلب کود : 286733
افغان غږ خبری آژانس - هرات: د هرات د اطلاعاتو او کلتور رئیس احمدالله متقي وايي، د امریکا متحده ایالاتو ترمنځ د سولې د تړون د لاسلیک کلیزه د افغانستان د ټولو خلکو لپاره یوه تاریخي ورځ ده.
هغه زیاته کړه: دغه تاریخي او ویاړمنه ورځ دې د افغانستان ټولو خلکو ته مبارک وي. د حوت میاشتې لسمه زموږ له ګران هېواد افغانستان څخه د امریکا او د هغې د همکارانو د رسمي ماتې پیلامه وه.
د هغه په وينا، هغه وياړلې او تاريخي ورځې چې په ډېرو قربانيو ترلاسه شوې، بايد په وياړ سره ونمانځل شي.
هغه زیاته کړه، د دې ورځې په نمانځلو سره به د هېواد ځوانان د خپلو مشرانو له اتلولۍ څخه ښه خبر شي، چې پلرونه یې نه یوازې د جګړې او جهاد په ډګر کې، بلکې د سیاست په ډګر کې هم بریالي وو.
د یادولو وړ ده چې د ۲۰۲۰ میلادي کال د میاشتې په ۱۰ مه نیټه د امریکا او اسلامي امارت ترمنځ د سولې تړون د قطر په دوحه کې لاسلیک شو.
avapress.com/vdcexp8wxjh8vfi.r6bj.html
ټګونه
ډیری لیدل شوي
