له ۲۰۱۴ کال وروسته به د ناټو ۱۵زره عسکر په افغانستان کې پاتې وي

د ناټو یو لوړ رتبه قومندان وایي، چې له ۲۰۱۴ میلادي کال وروسته به چې بهرني ځواکونه له افغانستانه وځي، شاوخوا ۱۵۰۰۰ سرتیرې په دې هیواد کې پاتې شي.

د دغه چارواکي په وینا، دا عسکر به په لوژستیکي او روزنیزو چارو کې له افغان امنیتي ځواکونو سره مرسته و کړي.

دا په داسې حال کې ده، چې پرون د برتانیې د کابینې غړو او پوځي مشرانو هم د افغانستان د جګړې او له دې هیواده د برتانوي عسکرو د وتلو په هکله خبري و کړې.