د اقتصادي چارو یو شمېر کارپوهان د امریکا د سولې انسټیټیوټ وروستی راپور ردوي او وايي، چې په تېرو دوو کلونو کې د اسلامي امارت په اغېزناکو پروګرامونو سره د افغانستان اقتصاد له سقوط څخه ژغورل شوی دی.

اسلامي امارت د افغانستان د اقتصادي وضعیت په اړه د نړیوال بانک وروستی خپور شوی راپور یو هدفمند حقیقت بللی او ویلي یې دي چې که نړیواله ټولنه مثبت تعامل ته مخه کړي نو بندیزونه به لیرې کړي او په دې صورت کې به افغانستان د پام وړ پرمختګ وکړي.

د اقتصاد وزارت مسلکي مرستیال عبداللطیف نظري د دې په څرګندولو سره چې یوشمېر هېوادونه له اسلامي امارت سره د اړیکو لېوالتیا لري، وايي چې د سیاسي مسایلو په هواري سره به ډېر ژر د افغانستان اقتصادي وضعیت ښه شي.

نړیوال بانک د افغانستان اوسني اقتصادي وضعیت ته په اشارې سره یو راپور خپور کړی او ویلي یې دي چې سږ کال به د هېواد ناخالص کورني تولید له ۳۰ تر ۳۵ سلنې منفي وده ولري.