د اسلامي امارت حکومت پر افغانستان د شوروي د یرغل په مناسبت د یوې اعلامیې په خپرولو سره ویلي چې غواړي له نړیوالې ټولنې سره د اسلامي اصولو په چوکاټ کې ښې او پیاوړې اړیکې ولري. په اعلاميه کې ويل شوي دي: هېوادونه او هدايات بايد د اړيکو د خوندي کولو لپاره له اسلامي اصولو سره سم خپل "مکلفيتونه" پوره کړي.

د چین نوي سفیر د اسلامي امارت د کورنیو چارو له سرپرست وزیر سراج الدین حقاني سره په لیدنه کې ویلي، چین د افغانستان خپلواکۍ، عقایدو او کلتور ته پوره درناوی لري او د افغانستان په کورنیو چارو کې د لاسوهنې نیت نه لري.

د اسلامي امارت د لوړو زده کړو وزارت سرپرست ندا محمد ندیم په کابل کې د پاکستان له سفیر سره په کتنه کې له اسلام آباد سره د اړیکو پر ټینګښت د ټینګار ترڅنګ وویل، بهرني هېوادونه باید د بشري حقونو په پلمه د افغانستان په کورنیو چارو کې له لاسوهنې ډډه وکړي.

د اسلامي امارت ویاند په افغانستان کې د امریکا د سفارت د شارژدافیر وروستیو څرګندونو ته غبرګون ښودلی او ویلي یې دي چې امریکایان باید د بشردوستانه مرستو په پلمه د افغانستان په کورنیو چارو کې لاسوهنه ونه کړي.

د کندهار ولایت مقام د یوې اعلامیې په خپرولو سره د اسلامي امارت د مشرانو له لوري د بشري حقونو د درناوي په اړه د امریکا د سفارت د شارژدافیر کیرن ډیکر وروستۍ څرګندونې او د اسلامي امارت مشرانو ته کندهاري ویلل يي په چارو کې لاسوهنه بللې ده. هغه زیاته کړه، زموږ دریځ د احکامو پر بنسټ ولاړ دی او د شریعت پر اصولو ولاړ دی او په اسلامي شریعت او اسلامي امارت کې ...