داعش ترهګرې ډلې د پنجشنبې په ورځ (حوت ۱۸) په بلخ ولایت کې د هغه ځانمرګي برید پړه پر غاړه واخیسته چې په ترڅ کې یې د بلخ والي محمد داوود مزمل او یو بل کس ووژل شو.

د بلخ ولایت نوي والي له سیمه ییزو چارواکو سره د یوه نوي پروګرام په ترڅ کې د دغه ولایت ولسوالیو ته سفر کړی، څو له حکومتي چارواکو او ځايي خلکو سره له نږدې وګوري او د هغوی ستونزې واوري.

د بلخ سيمه ييز چارواکي وايي، چې د دغه ولايت والي د دولتي ادارو له مسوولينو سره د مزارشريف ښار د هرې ولسوالۍ له اوسېدونکو سره د ليدنو کتنو لړۍ پيل کړې، څو د خلکو د ستونزو، اړتياوو او غوښتنو په اړه خبرې وکړي.

د بلخ والي وايي، په هېواد کې د عمومي عفوې له اعلان وروسته د تېر حکومت ټول مامورین او ګمارل شوي کسان په دغه ولایت کې د خپل حکومت تر سیوري لاندې ژوند کوي او هېڅوک یې نه ځوروي. نوموړي د پخواني رژیم له سیاسي شخصیتونو هم غوښتي چې هېواد ته راستانه شي او په خپل هېواد کې ژوند وکړي.