د اسلامي امارت د صنایعو او سوداګرۍ وزارت ویلي دي چې د ایران له اسلامي جمهوریت سره تر خبرو اترو وروسته د افغانستان او ایران ترمنځ د «اسلام قلعه» مهمه پوله ۲۴ ساعته خلاصه شوه.

د افغانستان او ازبکستان ترمنځ د توکوو د ترانزیت له لس ورځني بندښت وروسته، د رئیس الوزرا ځانګړی پلاوی چې په دغه هېواد کې د ستونزو د حل په موخه استول شوی و، بېرته افغانستان ته راستون شو. دغه پلاوی چې تېره دوشنبه (دلوې ۲۴) د حیرتان د بندري ښارګوټي له لارې هېواد ته داخل شو، د دواړو هېوادونو ترمنځ د ټرانزیټ د بیا پیلېدو اعلان وکړ.