د رئیس الوزرا سیاسي مرستیال مولوي عبدالکبیر د افغانستان د تعلیمي او تحصیلي بنسټونو د اصلاح په ملي کنفرانس کې وویل، چې اسلامي امارت د دیني علومو ترڅنګ د عصري علومو پیاوړتیا ته ژمن دی او هڅه کوي، چې یو معیاري تعلیمي او تحصیلي بنسټ رامنځته کړي.

د فراه ولایت په مرکزي عیدګاه جومات کې د ۱۶ دیني مدرسو د ۳۰۷ تنو زده کوونکو د فراغت مراسم د سیمه ییزو چارواکو، د افغانستان او ایران د دیني عالمانو او د دغه ولایت د اوسېدونکو په شتون کې ترسره شول.

د رئیس الوزرا سیاسي مرستیال مولوي عبدالکبیر د کابل پوهنتون په دیني او علمي سیمینار کې وویل چې اسلامي امارت داسې ډاکټرانو او انجینرانو ته اړتیا لري چې د تخصص تر څنګ په دیني علومو هم پوهه ولري.