د رئیس الوزرا له مطبوعاتي دفتره په خپره شوې خبرپاڼه کې راغلي، چې د اسلامي امارت د سیاسي کمیسیون په غونډه کې د هېواد پر روان وضعیت، د ملګرو ملتونو د وروستۍ پرېکړې او د افغان کډوالو پر ستونزو خبرې وشوې.

د اسلامي امارت ریاست الوزرا وايي، د رئیس الوزرا د سیاسي مرستیال مولوي عبدالکبیر په مشرۍ د سیاسي کمیسیون غونډه جوړه شوه او په کې د یو شمېر مهمو مسایلو په اړه لازم تصمیمونه ونیول شول.