د نوي کابل د پروژې د پلي کوونکي شرکت مسوولین وايي، چې د دې پروژې کار روان دی. دوی زیاته کړه، د دې پروژې پلان چې د سړکونو، فرعي لارو، زیربناوو او سوداګریزو ځایونو جوړول په کې شامل دي، ترتیب شوی او په عملي توګه یې د جوړېدو چارې روانې دي.

د رئیس الوزرا د اقتصادي چارو مرستیال ملا عبدالغني برادر د نوي کابل پروژې د عملي کار د پیل په مراسمو کې وویل چې د نوي کابل پروژه ټولې عصري اسانتیاوې لري او د دې پروژې په پیل سره به د کار زمینه برابره شي.