تېرو څلورو میاشتو کې له ۳۰۰ زرو زیات افغان کډوال هېواد ته راستانه شوي

د کډوالو او راستنیدونکو چارو وزارت وایي له دې ډلې ۵۵ زره تنه یې له پاکستان او پاتې نور یې د افغانستان د هرات او نیمروز له لارې هېواد ته را اوښتي دي.
د افغان کډوالو راستنیدل په ګاونډي هېوادونو، په ځانګړي توګه اېران کې د کرونا ویروس له خپریدو وروسته سیلابي شوي دي.
که څه هم هېواد ته د کډوالو را ستنیدل د کرونا ویروس د خپریدو ویره هم زیاته کړې ده، خو اوس د هرات ځایي چارواکي وایي دې ټکي ته یې جدي پام کړی دی.
د کډوالو وزارت وایي له اېرانه د کډوالو راتلل لاهم دوام لري او هره ورځ په منځنی ډول یو زرو پنځه سوه تنه افغانان خپل ټاټوبي ته خوځیږي.
که څه هم افغان حکومت څو ځلې هڅه کړې چې په ډیپلوماټیکو لارو د کډوالو د ډلییز راتګ مخه ونیسي، خو دې کار کې پاتې راغلی.