د کورنیو چارو وزارت سرپرست د کابل په وزیر محمد اکبر خان غونډۍ کې د الاقصی جومات د طرحې د پرانیستې په مراسمو کې د وینا پر مهال پر غزې تړانګې د صهیونیسټي پوځیانو بریدونه د بشریت ضد جنایت وباله او زیاته یې کړه: "فلسطيني ځواکونه به د فلسطين په آزادولو کې بريالي شي او دا ازادي يقيني ده."

د اسلامي امارت د مشر د نوی حکم پر اساس ملا محمد علي حنفي چې په ملا شیرین اخند مشهور دي او د ملي دفاع وزارت د ستراتیژیکو استخباراتو پخوانی مرستیال وو، نن په رسمي ډول د کندهار د نوي والي په توګه معرفي شو.

د کورنیو چارو وزارت سرپرست سراج الدین حقاني د کوچني اختر په مناسبت په یوه پیغام کې د اختر په ورځو کې د امنیت د ټینګښت ډاډ ورکړی دی.

د اسلامي امارت د کورنیو چارو وزیر سراج الدین حقاني وايي، اسلامي امارت له نړیوالې ټولنې سره پر خپلو ژمنو عمل کوي او دا خبره یې په عمل کې ثابته کړې، نو له همدې امله د نړۍ له هېوادونو سره مشروع تعامل غواړي.