د غزني له ولسواليو څخه ښار ته راغلي يو شمېر مسافر وايي چې غزني ته غځېدلې لارې خلاصې دي.

د جوزجان ځايي چارواکي وايي؛ د دې ولایت امنیه قوماندان چې په واورو کې د بند پاتې کسانو د ژغورنې په موخه اقچې ولسوالۍ ته تللی و، د هغه او د مسافرو د ژغورنې لپاره ژر تر ژره د چورلکې د استولو اړتیا ده.

ځايي سرچينې وايي، د باميان ولايت د یکاولنګ ولسوالۍ په کوتل بېک کې د واورې ورښت دغه لويه لاره تړلې ده.

د هېواد د فواید عامې وزارت د یوې اعلامیې په خپرولو سره ویلي چې په سالنګ کې به نن د شنبې په ورځ د عقرب ۲۸ مه د واورې ورښت دوام ولري. دغه وزارت له موټر چلوونکو وغوښتل چې په ژمنيو وسايلو سمبال شي او په سالنګ کې د مسوولينو سپارښتنو ته جدي پاملرنه وکړي.