د رئيس الوزرا دفتر سیاسي مرستیال مولوي عبدالکبیر دغه څرګندونې د اختر د لمانځه په مراسمو کې چې په سپېدار ماڼۍ کې د اسلامي امارت د لوړ پوړو غړو او یو شمېر بهرنیو سفیرانو په ګډون ترسره شوې وې وکړې. "اوس، ټول افغانان په افغانستان کې ارام ژوند لري، او زه په بهر کې پر ټولو افغانانو غږ کوم چې افغانستان ته راستانه شي او یو باعزته ژوند وکړي."
دخپریدو نیټه :پنجشنبه ۲۳ حمل ۱۴۰۳ ساعت ۱۰:۵۳
د مطلب کود : 288598
مولوی عبدالکبیر د اختر د لمانځه پر مهال:
زه په بهر کې په ټولو "افغانانو" غږ کوم چې افغانستان ته راستانه شي او په عزت سره ژوند وکړي
افغان غږ خبری آژانس - کابل: د اسلامي امارت د خبرپاڼې له مخې د کوچني اختر لمونځ د اسلامي امارت د لوړ پوړو چارواکو او یو شمیر بهرنیو سفیرانو په ګډون په سپېدار ماڼۍ کې ادا شو.
مولوي عبدالکبير د کوچني اختر د لمانځه د ادا کولو پر مهال وويل: د خوښۍ ځاى دى چې نن د افغانستان مسلمان ملت په پوره خوښۍ او سولې سره نمانځي.
مولوي عبدالکبير زياته کړه: اوسمهال د افغانانو لپاره د سوله ييز ژوند شرايط برابر دي او په بهر کې له مېشتو افغانانو يې وغوښتل چې افغانستان ته راستانه شي او په عزت سره ژوند وکړي.
هغه همدا راز ټینګار کړی، چې اسلامي امارت له نړۍ او په ځانګړې توګه له اسلامي هېوادونو سره ښې اړیکې غواړي.
ده ټینګار وکړ: اسلامي امارت له ټولو هېوادونو او په ځانګړې توګه له اسلامي هېوادونو سره ښې اړیکې غواړي، ځکه افغانان له دغو هېوادونو سره دیني، سیاسي او فرهنګي مشترکات لري او د دغو مشترکاتو د پیاوړتیا لپاره اړینه ده.
avapress.com/vdcf1cd0cw6dcta.,ziw.html
ټګونه
ډیری لیدل شوي
