ځانګړو پولیسو په لغمان کې یو ټن چاودېدونکي توکي نیولي

د کورنیو چارو وزارت ویاند نصرت رحیمي تاند ته وویل، ځانګړې قطعې یې تېره شبه د لغمان په قرغه يي ولسوالۍ کې عملیات کړي او ۸۲۰ کېلوګرامه چاودېدونکي توکي یې له کشف وروسته په یو خوندي ځای کې چاودلي دي.

نوموړی وايي، ترهګرو دا چاودېدونکي توکي د سړک د غاړې ماینونو لپاره ساتلي وو.

طالبانو یا کومې ډلې په دې اړه څه نه دي ویلي چې ایا دا چاودېدونکي توکي يې اړوند وو که نه؟