د قطر پلازمېنه دوحه کې د طالبانو د سياسي دفتر وياند سهيل شاهين پر خپله ټوېټرپاڼه ليکلي چې دې ډلې په بلخ ولايت کې د افغان حکومت اړوند ۱۶ زندانیان ازاد کړي دي.
دخپریدو نیټه :سه شنبه ۳۱ سرطان ۱۳۹۹ ساعت ۱۷:۱۵
د مطلب کود : 215143
په ټوليز ډول تر دې مهاله طالبانو د افغان حکومت شاوخوا ۸۰۰ بنديان ازاد کړي او افغان حکومت بیا شاوخوا ۴۵۰۰ طالب بنديان ازاد کړي دي.
خو تر دې مهاله هم د هغو ۵۹۲ طالب بنديانو پر سر ناندرۍ روانې دي چې طالبان يې د خوشي کېدو غوښتنه کوي خو حکومت وايي، دغه زندانیان په درنو جرمونو کې د ښکېلتیا له کبله نه خوشي کوي.
له بل لوري نن په کابل کې د ولسمشر محمد اشرف غني وياند صديق صديقي يو ځل بيا پر طالبانو غږ وکړ چې تاوتريخوالی کم کړي او سولې ته په رښتيني ډول خپله ژمنتیا څرګنده کړي، خو طالبان وايي، تر هغې يې چې د لېست له مخې ټول بنديان ازاد نه شي، چمتو نه دي چې بين الافغاني خبرې پيل کړي.
د طالبانو او د امريکا د متحدو ايالتونو تر منځ د دوحې هوکړې له مخې بايد افغان حکومت د طالبانو ۵۰۰۰ او طالبان د افغان حکومت ۱۰۰۰ زندانیان ازاد کړي.
خو تر دې مهاله هم د هغو ۵۹۲ طالب بنديانو پر سر ناندرۍ روانې دي چې طالبان يې د خوشي کېدو غوښتنه کوي خو حکومت وايي، دغه زندانیان په درنو جرمونو کې د ښکېلتیا له کبله نه خوشي کوي.
له بل لوري نن په کابل کې د ولسمشر محمد اشرف غني وياند صديق صديقي يو ځل بيا پر طالبانو غږ وکړ چې تاوتريخوالی کم کړي او سولې ته په رښتيني ډول خپله ژمنتیا څرګنده کړي، خو طالبان وايي، تر هغې يې چې د لېست له مخې ټول بنديان ازاد نه شي، چمتو نه دي چې بين الافغاني خبرې پيل کړي.
د طالبانو او د امريکا د متحدو ايالتونو تر منځ د دوحې هوکړې له مخې بايد افغان حکومت د طالبانو ۵۰۰۰ او طالبان د افغان حکومت ۱۰۰۰ زندانیان ازاد کړي.
سرچينه : د صدای افغان خبری آژانس
avapress.com/vdcbasb5frhb88p.q3ur.html
ټګونه
ډیری لیدل شوي
