۱۰۹ امریکایي استازو له افغانستانه د ټولو امریکایي استازو وتلو ته رایه ورکړې ده.

یاد شمېر امریکایي استازو هغه طرحې ته مثبته رایه ورکړې ده چې له مخې یې باید امریکایي عسکر په بشپړه توګه له افغانستان ووځي. امریکایي رسنۍ وایي، ۱۰۹ امریکایي استازو د هغه طرحې ملاتړ کړی دی چې باید د راتلونکي کال تر اپرېل پورې ټول امریکایي عسکر له افغانستان ووځي او په دې توګه روانه شل کلنه جګړه ختمه شي. دوی همدا راز ویلي، چې د افغانستان د سولې هڅې دې چټکې شي او ټول هغه امکانات دې له منځه یوړل شي چې افغانستان د ترهګرو پر ځاله بدلوي. امریکایي استازو ویلي، چې باید په افغانستان کې روانه جګړه پای ته ورسول شي، ټول سرتېري هېواد ته راستانه شي او په دې توګه دې د مالي او ځاني تلفاتو لړۍ پای ته ورسول شي.