په داسې حال کې چې په تېر یوه کال کې په هېواد کې ګڼو رسنیو خپل فعالیت بند کړ، په دې وروستیو کې په بغلان کې یوې سیمه ییزې راډیو په فعالیت پیل وکړ. د دې سیمه ییزې راډیو مسوولین وايي، چې له جوړېدو یې موخه خبریالانو ته د کار پیدا کول، خلکو ته خبر ورکول او پوهه ورکول دي.
دخپریدو نیټه :يکشنبه ۶ سنبله ۱۴۰۱ ساعت ۰۹:۵۹
د مطلب کود : 257722
افغان غږ خبری آژانس - مزارشریف: په داسې حال کې چې په هېواد کې د رسنیو وضعیت د اندېښنې وړ دی، په دې وروستیو کې په بغلان ولایت کې د «بشر راډیو» په نوم یوه سیمه ییزه راډیو پرانیستل شوه.
نورګل اندړوال د دې راډیو د نشراتو مسوول نن یکشنبه د اسد په ۶ مه له افغان غږ خبری آژانس سره په خبرو کې وویل چې د دې راډیو د جوړېدو هدف د خبریالانو لپاره د کاري چاپېریال رامنځته کول، د معلوماتو ورکول او د پوهاوي لوړول دي.
د هغه په وينا، په پلخمري ښار کې يې په خپل لګښت د ٦٨،٥ څپې په مرسته بشر راډيو جوړه کړې او غواړي د خپلو خپرونو لړۍ ټول بغلان ولايت ته وغځوي.
اندړوال زياته کړه، چې په بغلان کې د سيمه ييزو رسنيو وضعيت ښه نه دى، اقتصادي ستونزې، اطلاعاتو ته د لاسرسي نشتوالى او د ګټورو پروګرامونو نشتوالى په دغه ولايت کې د رسنيو پر وړاندې له مهمو ننګونو څخه دي.
هغه دا هم وويل، چې دوى د همدې راډيو له لارې د خلکو لپاره فرهنګي، خبري، سياسي او فرهنګي پروګرامونه پرمخ وړي او نور کارکوونکي به په دندو وګوماري.
په ورته وخت کې چې بشر راډيو په فعاليت پيل وکړ، په بغلان کې خبريالانو په دغه ولايت کې د رسنيو وضعيت نازک وباله او ويې ويل چې په دې ولايت کې له ١٤ سيمه ييزو راډيوګانو او څو ټلوېزيونونو او ورځپاڼو څخه يواځې شپږ راډيوګانې او ټلوېزيونونه فعال پاتې دي او نورې. رسنۍ د اقتصادي ستونزو له امله بندې شوې دي.
په همدې حال کې دبغلان ولايت داطلاعاتو او فرهنګ رياست هم ددغې سيمه ييزې راډيو پيل يو ښه ګام بولي خو داسلامي خپرونو غوښتنه کوي .
د بغلان د اطلاعاتو او فرهنګ رئیس اسدالله مصطفی هاشمي افغان غږ خبری آژانس ته وویل: د بشر راډیو د فعالیتونو پیلول یو ښه اقدام دی، خو هغه کسان چې په رسنیو کې کار کوي باید د اسلامي او رسنیزو قوانینو له مخې کار وکړي.
نورګل اندړوال د دې راډیو د نشراتو مسوول نن یکشنبه د اسد په ۶ مه له افغان غږ خبری آژانس سره په خبرو کې وویل چې د دې راډیو د جوړېدو هدف د خبریالانو لپاره د کاري چاپېریال رامنځته کول، د معلوماتو ورکول او د پوهاوي لوړول دي.
د هغه په وينا، په پلخمري ښار کې يې په خپل لګښت د ٦٨،٥ څپې په مرسته بشر راډيو جوړه کړې او غواړي د خپلو خپرونو لړۍ ټول بغلان ولايت ته وغځوي.
اندړوال زياته کړه، چې په بغلان کې د سيمه ييزو رسنيو وضعيت ښه نه دى، اقتصادي ستونزې، اطلاعاتو ته د لاسرسي نشتوالى او د ګټورو پروګرامونو نشتوالى په دغه ولايت کې د رسنيو پر وړاندې له مهمو ننګونو څخه دي.
هغه دا هم وويل، چې دوى د همدې راډيو له لارې د خلکو لپاره فرهنګي، خبري، سياسي او فرهنګي پروګرامونه پرمخ وړي او نور کارکوونکي به په دندو وګوماري.
په ورته وخت کې چې بشر راډيو په فعاليت پيل وکړ، په بغلان کې خبريالانو په دغه ولايت کې د رسنيو وضعيت نازک وباله او ويې ويل چې په دې ولايت کې له ١٤ سيمه ييزو راډيوګانو او څو ټلوېزيونونو او ورځپاڼو څخه يواځې شپږ راډيوګانې او ټلوېزيونونه فعال پاتې دي او نورې. رسنۍ د اقتصادي ستونزو له امله بندې شوې دي.
په همدې حال کې دبغلان ولايت داطلاعاتو او فرهنګ رياست هم ددغې سيمه ييزې راډيو پيل يو ښه ګام بولي خو داسلامي خپرونو غوښتنه کوي .
د بغلان د اطلاعاتو او فرهنګ رئیس اسدالله مصطفی هاشمي افغان غږ خبری آژانس ته وویل: د بشر راډیو د فعالیتونو پیلول یو ښه اقدام دی، خو هغه کسان چې په رسنیو کې کار کوي باید د اسلامي او رسنیزو قوانینو له مخې کار وکړي.
avapress.com/vdcau0nuu49nm01.hxk4.html
ټګونه
ډیری لیدل شوي
