د افغانستان د آزادو خبریالانو اتحادیې په تېرو ۲۰ ورځو کې د ۹ خبریالانو د خوشي کېدو خبر ورکړی او ویلي یې دي چې د خبریالانو د ملاتړ ادارې له پرله‎پسې کوښښونو او د هېواد د رسنیو د هڅو په پایله کې په تېرو درېیو ورځو کې ۷ خبریالان خوشي شوي دي

د اسلامي امارت د اطلاعاتو او کلتور وزارت په هیواد کې د خبریالانو لپاره د نوم لیکنې او کارتونو ویشلو لړۍ پیل کړې ده.

آوا - ورځني کتنه: که څه هم د اشغالګرو ځواکونو له وتلو، د ګوډاګي حکومت له نسکوریدو او واک ته د «اسلامي امارت» له راتګ وروسته د وسله والو نښتو په پایله کې د خبریالانو د مرګ ژوبلې شمیره کمه شوې ده او دا د پام وړ پرمختګ ګڼل کېدای شي، خو له دې پیښې سره سره بیا هم په افغانستان کې د ژورنالیست پاتې کیدل یو ستونزمن کار دی، یو وژونکی ماموریت او یو وحشتناک ماموریت ...

په داسې حال کې چې په تېر یوه کال کې په هېواد کې ګڼو رسنیو خپل فعالیت بند کړ، په دې وروستیو کې په بغلان کې یوې سیمه ییزې راډیو په فعالیت پیل وکړ. د دې سیمه ییزې راډیو مسوولین وايي، چې له جوړېدو یې موخه خبریالانو ته د کار پیدا کول، خلکو ته خبر ورکول او پوهه ورکول دي.