په کندهار کې دیني عالمان: د تفرقې د رامنځ ته کولو لپاره پر یوې ځانګړې قبیلې بریدونه کېږي

افغان غږ خبری آژانس: په کندهار کې د « اخوت اونۍ» په نوم غونډه کې دیني عالمانو له اسلامي امارت وغوښتل چې په لویو ښارونو کې د جوماتونو او تعلیمي مرکزونو امنیت تامین کړي.
 
د کندهار د شيعه عالمانو د شورا مشر سردار محمد زاهدي وويل: که تاسو راشئ او د مذهبونو تر منځ د يووالي خبره وکړئ، هيڅوک به مو وهڅوي. مګر که تاسو د توپیرونو په اړه وغږیږئ، ډیری خلک به وي چې تاسو هڅوي."
 
ګډونوال زیاتوي چې دغو بریدونو ته باید قومي او مذهبي رنګ ورنکړل شي.
 
د دې قوم مشر سلطان محمد سلطاني په دې اړه وويل: "دغه بريد چې څو ورځې وړاندې د کج پر ښوونيز مرکز شوى و، په دې موخه ترسره شوى و چې زموږ ترمنځ تفرقه رامنځته کړي."
 
د کندهار اوسېدونکي روح الله وايي: "زموږ برتري د قوم او نژاد پر بنسټ نه، بلکې زموږ برتري د تقوا پر بنسټ ده."
 
دیني عالمان او د کندهار اوسیدونکي له اسلامي امارت څخه غوښتنه کوي چې د امنیت په تامین کې هڅې وکړي او اجازه ورنکړي چې د هیوادوالو ترمنځ قومي او سمتي تفرقې رامنځ ته شي.
 
ديني عالم فيض الحق مغفوري وويل: "زموږ غوښتنه دا ده چې خپل اتحاد او اتفاق وساتو او د تفرقې اجازه ورنکړو."
 
د کندهار اوسېدونکی شمس کامران وايي: "وروستیو بریدونو ټول افغانان اغېزمن کړي، دا برید په کوم مشخصو کسانو نه و، دا برید پر افغانانو و."
 
دا غونډه د کندهار د شیعه ګانو په مرکز مسجد جامع فاطمیه کې جوړه شوې وه.
 
دیني عالمان وروستي بریدونه، چې ډېری یې شیعه ګان دي، یوه استخباراتي جګړه بولي او د هېوادوالو د بېلولو هڅه یې ګڼي.