د سرحدونو، قومونو او قبايلو چارو وزارت چارواکي وايي، چې په تېر کال کې يې په ټول هېواد کې ١٣٠ لويې شخړې او ٣٠٠ وړې شخړې هوارې کړې او دښمنۍ يې په دوستۍ بدلې کړې دي.

د اسلامي امارت مشر ملا هبت اخندزاده د هیواد د بیلابیلو ولایتونو د دیني علماوو د سرتاسري شورا له یو شمیر غړو سره مشورتي ناسته وکړه او ټینګار یې وکړ چې د خلکو زیاتې ستونزې د مشورې له لارې حل کیږي.

د اسلامي امارت د لوړو زده کړو وزیر په بلخ ولایت کې د هېواد د شمال زون له دیني عالمانو سره په مشورتي ناسته کې وویل: په پوهنتونونو کې د دیني عالمانو د استخدام لپاره ازموینه نن پیل شوې او دوی کولای شي چې د نورو ترڅنګ خپلې دندې ترسره کړي.

په مشهد کښې د تبیان د ټولنیزو او کلتوری فعالیتونو د مرکز د نمایندګۍ په دفتر کښې د علماؤ یوې ډلې په اونیزه وینا کښې وویل: د انجونو د ښوونځیو بندول به د علم او پوهې له نظره ټولنه او هیواد ته تاوان ورسوی او ټینګار یې وکړ چې ژر تر ژره په ټول افغانستان کې د نجونو ښوونځي بېرته پرانستل شي.

په کندهار کې ديني عالمان او قومي مخور د "اخوت اونۍ" تر عنوان لاندې په جوړه شوې غونډه کې، په کابل کې وروستي ترهګريز بريد ته په اشارې سره وايي، چې پر يوه قوم بريد استخباراتي بڼه لري او دا بريدونه د هېوادوالو د بېلولو په موخه ترسره کېږي.