د اسلامي امارت د اطلاعاتو او کلتور وزارت سرپرست د افغانستان لپاره د پاکستان له ځانګړي استازي سره په کتنه کې د پاکستان له حکومته وغوښتل چې په دغه هیواد کې له افغان کډوالو سره د ناوړه چلند مخه ونیسي.
دخپریدو نیټه :دوشنبه ۳ میزان ۱۴۰۲ ساعت ۱۳:۵۱
د مطلب کود : 277180
د اطلاعاتو او کلتور وزارت سرپرست:
د پاکستان حکومت باید له افغان کډوالو سره ناوړه چلند ودروي
افغان غږ خبری آژانس - کابل: د اطلاعاتو او کلتور وزارت سرپرست خیرالله خیرخواه د افغانستان لپاره د پاکستان له ځانګړي استازي آصف دراني سره په لیدنه کې د پاکستان د حکومت له لوري له افغان کډوالو سره د ناوړه چلند د بندیدو غوښتنه وکړه.
په دې کتنه کې د اطلاعاتو او کلتور وزارت سرپرست او د پاکستان ځانګړي استازي د دوه اړخيزو اړيکو، سوداګريزو ستونزو او په تورخم او سپين بولدک کې د افغانانو پر ستونزو خبرې وکړې.
د اطلاعاتو او کلتور وزارت سرپرست هم ټينګار وکړ چې له کډوالو په تيره بيا له ښځو او ماشومانو سره د ناوړه چلند او بندي کولو مخه ونيول شي ځکه چې دغه شان ناوړه چلند د دواړو هيوادونو په اړيکو منفي اغيز لرلى شي .
خيرخواه زياته کړه: پاکستان او افغانستان دوه ګاونډي هيوادونه ديني، مذهبي او کلتوري مشترکات لري او د يو هيواد ناامني په بل هيواد هم اغيزه کوي.
د اطلاعاتو او کلتور وزارت سرپرست زیاته کړه چې د افغانستان اسلامي امارت له ټولو هېوادونو سره ښې او مثبتې اړیکې غواړي.
هغه دې ته اشاره وکړه چې ټولې ستونزې باید د تفاهم او خبرو اترو له لارې حل شي، سیاسي مسایل باید د ټرانزیټ همکارۍ خنډ نشي او د مسافرینو د تګ راتګ لپاره باید اسانتیاوې رامنځته شي.
په دې کتنه کې د افغانستان لپاره د پاکستان ځانګړي استازي وويل: هغه ستونزې چې په دې وروستيو کې په سرحدي سيمو کې رامنځته شوې په جدي توګه وڅيړل شي څو په راتلونکي کې د دغه شان پيښو د تکرار مخه ونيول شي.
نوموړي دا هم وویل، چې پاکستان له افغانستان سره هر ډول همکارۍ ته چمتو دی او ډېر ژر به افغان محصلینو ته د تحصیلي بورسونو د ورکړې بهیر پیل کړي.
په دې کتنه کې د اطلاعاتو او کلتور وزارت سرپرست او د پاکستان ځانګړي استازي د دوه اړخيزو اړيکو، سوداګريزو ستونزو او په تورخم او سپين بولدک کې د افغانانو پر ستونزو خبرې وکړې.
د اطلاعاتو او کلتور وزارت سرپرست هم ټينګار وکړ چې له کډوالو په تيره بيا له ښځو او ماشومانو سره د ناوړه چلند او بندي کولو مخه ونيول شي ځکه چې دغه شان ناوړه چلند د دواړو هيوادونو په اړيکو منفي اغيز لرلى شي .
خيرخواه زياته کړه: پاکستان او افغانستان دوه ګاونډي هيوادونه ديني، مذهبي او کلتوري مشترکات لري او د يو هيواد ناامني په بل هيواد هم اغيزه کوي.
د اطلاعاتو او کلتور وزارت سرپرست زیاته کړه چې د افغانستان اسلامي امارت له ټولو هېوادونو سره ښې او مثبتې اړیکې غواړي.
هغه دې ته اشاره وکړه چې ټولې ستونزې باید د تفاهم او خبرو اترو له لارې حل شي، سیاسي مسایل باید د ټرانزیټ همکارۍ خنډ نشي او د مسافرینو د تګ راتګ لپاره باید اسانتیاوې رامنځته شي.
په دې کتنه کې د افغانستان لپاره د پاکستان ځانګړي استازي وويل: هغه ستونزې چې په دې وروستيو کې په سرحدي سيمو کې رامنځته شوې په جدي توګه وڅيړل شي څو په راتلونکي کې د دغه شان پيښو د تکرار مخه ونيول شي.
نوموړي دا هم وویل، چې پاکستان له افغانستان سره هر ډول همکارۍ ته چمتو دی او ډېر ژر به افغان محصلینو ته د تحصیلي بورسونو د ورکړې بهیر پیل کړي.
avapress.com/vdcaa0nuw49n061.hxk4.html
ټګونه
ډیری لیدل شوي
