له راستنیدونکو سره د کډوالو د نړیوال سازمان مرستې دوام لري

افغان غږ خبری آژانس: د کډوالو نړیوال سازمان چارواکو د کډوالو او راستنیدونکو چارو وزارت د دفتر رئیس قاري محمد اجمل ویاړ سره په کتنه کې د دغه دفتر د مرستو د دوام ډاډ ورکړ.
 
د کډوالو چارو وزارت د مطبوعاتي دفتر د خبرپاڼې له مخې، په دې کتنه کې د دغه وزارت د رسمي دفتر رييس د دغې ادارې د تېرو همکاريو قدرداني وکړه او د راستنېدونکو د ستونزو د حل او د فعاليتونو په پيلولو کې يې د دغې ادارې د دوامدارې همکارۍ غوښتنه وکړه.
 
په دې کتنه کې د داخلي بې ځایه شویو د وضعیت او مرستو د همغږۍ رئیس مولوي سردار شیرزاد او شیخ عبدالرحمن رحماني هم حضور درلود، له پاکستان څخه د راستنېدونکو د جدي ستونزو یادونه وکړه او له هغوی سره یې د لا زیاتو مرستو غوښتنه وکړه.
 
له بلې خوا په سرحد کې د کډوالو د نړيوال سازمان د مرستو همغږي کوونکې آغلې انگهراد او د دغې موسسې د ارتباطاتو مسوول عبدالمتين وويل چې دوى به د مهاجرينو د چارو له وزارت سره د هغو اسانتياوو په لرلو سره خپلو مرستو ته دوام ورکړي چې دوى لري. .
 
اغلې انگهراد زياته کړه چې اوس مهال د افغانستان په پولو کې د يادې ادارې دفترونه له نورو مرستندويه موسسو سره په تفاهم له راستنېدونکو سره خپلې مرستې کوي.
 
په همدې حال کې له ایران او پاکستان څخه د ناقانونه افغان کډوالو د راستنیدو بهیر په دې وروستیو کې زیات شوی دی.