د کډوالو د نړیوال سازمان رئیس د اسلامي امارت د کډوالو او راستنیدونکو چارو وزارت له مسؤلینو سره په کتنه کې له راستنیدونکو سره د دغه سازمان د مرستو د دوام ډاډ ورکړ.

د مهاجرینو او راستنیدونکو چارو وزارت چارواکو د مهاجرت د نړیوال سازمان له استازو سره په کتنه کې له مهاجرینو سره د دغه سازمان د مرستو د دوام او زیاتوالي غوښتنه وکړه.

د خوړو نړیوال پروګرام وايي، د افغانستان په ګډون په ټوله نړۍ کې تر ۷۰۰ میلیونو ډېر وګړي د خپل راتلونکي خواړه نه شي موندلی او بشري مرستو ته اړتیا لري.

د اسلامي امارت د بهرنیو چارو وزارت سرپرست امیرخان متقي ویلي دي چې د افغانستان په اړه د ځینو هیوادونو او نړیوالو سازمانونو منفي تعامل اوس د مثبت لوري په لور روان دی، هغه یو ځل بیا ویلي چې د افغانستان خاوره هیڅ ډول ګواښ نه ده.

د سره صلیب نړیوالې کمیټې اعلان کړی چې دغه سازمان به په راتلونکو ۱۲ میاشتو کې ۱۵۰۰ کارکوونکي د مالي بحران له امله له دندو ګوښه کړي.

د هېواد د اورګاډي د پټلۍ د ادارې مشر د دې په څرګندولو سره چې له ازبکستان او پاکستان سره د افغان - ترانس پروژې د پیل لپاره خبرې روانې دي، زیاتوي چې د دغې پروژې لګښت چې منځنۍ اسیا او جنوبي اسیا سره نښلوي، پنځه میلیارده ډالره کېږي. اړتیا ده چې نړیوال بنسټونه په دې برخه کې پانګونه وکړي.

د ژغورنې نړیواله کمېټه (IRC) وايي، افغانستان د هغو هېوادونو په ډله کې دی چې ښايي په راتلونکي کال کې به له تر ټولو ناوړه بشري ناورین سره مخ شي.

د روغتيا نړيوال سازمان وايي، چې د خوست او پکتيکا ولايتونو په زلزله ځپلو سيمو کې د ساري ناروغيو د مخنيوي، روغتيايي خدمتونو او د ټپيانو د پاملرنې په برخه کې د نړيوالو مرستندويانو مرستو ته ډېره اړتيا ده.

اروپايي ټولنې د افغانستان په زلزله ځپلو سیمو کې له خلکو سره د مرستې لپاره خپل چمتووالی اعلان کړ.