په افغانستان کې د ملګرو ملتونو د استازي مرستیال د بهرنیو چارو له سرپرست وزیر سره وکتل

په افغانستان کې د ملګرو ملتونو د مرستندویه پلاوي دفتر (یوناما) په یوه خبرپاڼه کې ویلي، چې د افغانستان لپاره د ملګرو ملتونو د سرمنشي ځانګړې استازې روزا اوتونبایوا د بهرنیو چارو له سرپرست وزیر امیرخان متقی سره وکتل. ویل کېږي چې په دې کتنه کې دواړو لورو د خلکو د عاجلو اړتیاوو په ځانګړي ډول د راتلونکي ژمي په درشل کې د حل په موخه د دوامداره تعامل په اړه پر خپلو ژمنو ټینګار وکړ.

افغان غږ خبری آژانس - کابل: نن یکشنبه (قوس ۵ مه) یوناما په یوه بیان کې چې په ایکس کې خپره شوې راغلي چې په دې ناسته کې د راستنیدونکو اړتیاوو، د افغانستان لپاره د ملګرو ملتونو د ځانګړي همغږي کوونکي راپور او د ښځو او نجونو د حقونو د تضمین پر اړتیا، تعلیم او کار ته د هغوی د بشپړ لاسرسۍ په ګډون، خبرې وشوې.

يوناما زياته کړه، چې مېرمن اوتنبايوا په دې کتنه کې له راستنېدونکو سره د ملګرو ملتونو د مرستو او له نشه يي توکو سره د مبارزې په برخه کې د هڅو د پياوړتيا او د کوچنيو مالي مرستو په اړه معلومات ورکړل.

د یوناما په خبرپاڼه کې ویل شوي، چې په دې ناسته کې دواړو لورو د خلکو د سختو اړتیاوو د پوره کولو لپاره په ځانګړې توګه د راتلونکي ژمي په درشل کې د دوامدارې ښکیلتیا لپاره پر خپلو ژمنو ټینګار وکړ.

د بهرنیو چارو وزارت هم په یوه بیان کې ویلي، چې په دې غونډه کې له پاکستان څخه د افغان کډوالو د جبري ایستلو، له راستنیدونکو سره د ملګرو ملتونو او نورو مرستندویه موسسو د مرستو او په دې اړه د ملګرو ملتونو د ځانګړي همغږي کوونکي راپور هم مطرح شو. د افغانستان په اړه خبرې وشوې.

په هغه خبرپاڼه کې چې د بهرنیو چارو وزارت د ویاند مرستیال حافظ ضیا احمد له خوا خپره شوې، د ښاغلي مطیع له قوله راغلي چې هېوادونه باید له خپلو رسمي ادرسونو له اسلامي امارت سره اړیکه ونیسي.

د بهرنیو چارو وزارت سرپرست زیاته کړه چې هېوادونه او نړیوال سازمانونه باید د موازي او اضافي میکانیزمونو د رامنځته کولو پر ځای په افغانستان کې شته میکانیزمونه پیاوړي کړي.