د خوړو نړیوال سازمان په سمنګان ولایت کې پر ۴ زره اړمنو کورنیو خوراکي توکي وویشل

افغان غږ خبری آژانس: د سمنګان ولایت د کلیو د بیارغونې او پراختیا ریاست مطبوعاتي مسوول ثمرالدین شاهروخي د دغه ولایت د دره صوف ولسوالۍ په اوسیدونکو د خوراکي توکو د ویش اعلان وکړ. د خوراک نړيوال سازمان او د افغانستان د ټولنيزو پياوړتيا انستيتوت د دغه ولايت د کليو بيارغونې او پراختيا رياست سره په همغږۍ د دره صوف ولسوالۍ په ۴۶۸۷ اړمنو کورنيو خوراکي توکي وېشلي دي.

هغه زیاته کړه، په ۸۷ پرمختیايي شوراګانو کې د خوراکي توکو د وېش بهیر په شفاف ډول ترسره شوی، چې په کې ۲۳۴ ټنه اوړه، ۲۱ ټنه غوړي، ۲۹ ټنه چرس، ۲۳ ټنه اوړه او د ماشومانو قفل شامل دي.

شاهروخي وویل، هرې کورنۍ ته ۵۰ کیلو اوړه، ۴ کیلو غوړي، ۶،۲۵ کیلو دال او د ماشومانو لپاره ۵ کیلو غني او قوي اوړه ورکړل شول او دغه کورنۍ په رښتیا هم مرستې او همکارۍ ته اړتیا لري.

په همدې حال کې د سمنګان ولايت يو شمېر اوسېدونکو وويل: د افغانستان خلک په بدو اقتصادي شرايطو کې دي او په کار ده چې ملي او نړيوال سازمانونه له اړمنو خلکو سره مرسته وکړي.

د يادونې ده، چې د خوړو نړيوال سازمان له دې وړاندې هم د سمنګانو ولايت په خرم او سارباغ ولسواليو کې پر دوه زره کورنيو خوراکي توکي وېشلي وو.