د کار او ټولنيزو چارو وزارت د يوې خبرپاڼې په خپرولو سره ويلي، چې بهر ته د کارګرانو د لېږلو په اړه د دغه وزارت د مرستيال خبرې ناسم تعبير شوې دي. د دغه وزارت په خبرپاڼه کې راغلي چې تر اوسه دغه طرحه نه ده عملي شوې او نه هم تر اوسه څوک بهر ته د کار لپاره لېږل شوي دي.

د تخار سیمه ییز چارواکي وايي، د دغه ولایت په چاه اب ولسوالۍ کې د سرو زرو د کان د چت د چپه کېدو له امله ۵ تنه کارګران مړه شوي او جسدونه یې لا هم تر خاورو لاندې دي.