د خوړو او کرنې نړیوال سازمان له بزګرانو سره د غنمو د اصلاح شویو تخمونو ۳۱ زره ټنه مرسته وکړه

افغان غږ خبری آژانس - کابل: د کرنې، اوبولګولو او مالدارۍ وزارت د یوې خبرپاڼې په خپرولو سره ویلي چې په دې کتنه کې دواړو لورو په افغانستان کې د کرنې، مالدارۍ او اوبولګولو د پراختیا لپاره د همغږۍ او ګډ کار په اړه خبرې وکړې.
 
ویل کیږي، چې په دې کتنه کې د کرنې، اوبولګولو او مالدارۍ سرپرست وزیر د افغانستان د کروندګرو او مالدارانو له کورنیو سره د ملګرو ملتونو د خوړو او کرنې سازمان له هڅو او ملاتړ څخه یادونه وکړه او زیاته یې کړه، چې د دغه سازمان مرستې د افغانستان په بېلابېلو برخو کې روانې دي.
 
هغه د کرنې وزارت د متخصصینو او د بېلابېلو سوداګرو د استازو په ګډون د کرنې وزارت د متخصصینو په ګډون د ځانګړو کاري کمېټو د جوړولو په اړه هم د میل موسسې استازي ته وویل: موږ د څارویو په نسلونو، د چرګانو د فارمونو په زیاتولو او د مارکېټونو په جوړولو تمرکز کو.
 
ریچارډ ټرانچارډ له افغان کروندګرو سره د لا زیاتو مرستو ژمنه وکړه او ویې ویل چې سږ کال دوی پلان لري چې د غنمو ۳۱ زره مټریک ټنه اصلاح شوي تخمونه پر بزګرانو وویشي.
 
ده زياته کړه: د څارويو د خوراکي توکو او د سبزيجاتو د تخمونو ويش د هغو مرستو يوه برخه ده چې د وچکالۍ له امله د سبزيجاتو کروندګرو او بزګرانو ته ورکول کيږي.