د افغان سرې مياشتې ټولنې مسوولين وايي، چې په تېره يوه مياشت کې يې په پکتيکا کې ۲۵ زره ۲۷۳ اړمنو کسانو ته روغتيايي خدمات وړاندې کړي دي.

د خراسان رضوي سرې میاشتې ټولنې مشر وویل چې د افغانستان زلزله ځپلو ته د ایران د عامه مرستو ۱۱ موټر د دوشنبې په ورځ د عقرب په ۸ مه د اسلام قلعه له لارې افغانستان ته واستول شول.

د افغان سرې میاشتې عمومي ریاست اعلان کړی، چې په مشورتي غونډه کې د ګډون په موخه د دې ادارې د مشر مولوي مطیع الحق خالص شپږ ورځنی سفر د سویس هېواد پلازمېنې جینوا ته تللی دی.

د افغان سرې میاشتې ټولنې ویاند وايي، په دې نفوس کې ۱۲ زره ماشومان چې د زړه سوري لري ثبت شوي او د درملنې په تمه دي، چې له دې جملې څخه ۴۸ ماشومان چې د زړه سوري لري د درملنې په موخه دوه کورنۍ روغتونونو ته لېږدول شوي دي.

د افغاني سرې میاشتې ادارې یو کال وړاندې په پکتیکا ولایت کې د زلزله ځپلو لپاره د ۶۵ هستوګنې کورونو د بشپړولو او تحویلولو اعلان وکړ او ویې ویل: دغه د استوګنې کورونه په نویو بسترونو، غالۍ، لوښو، د لمریزې برېښنا په سیستم، خوراکي توکو او یو شمېر نورو وسایلو سمبال دي.

د اسلامي امارت د «افغاني سرې میاشتې» ټولنې مرستیال په دوحه کې د افغانستان لپاره د برتانیې له سفیر سره په کتنه کې وویل چې بریتانیا دې د زړه د سوري او رواني ناروغانو د درملنې په برخه کې همکاري وکړي.

په هغې غونډه کې چې د ترکیې، قطر، انګلستان، اسټرالیا، کاناډا، جرمني، ناروې، فنلنډ، ډنمارک او د نفوسو د ملي فدراسیون د سرې میاشتې مسوولینو په ترکیه کې حضور درلود، د افغاني سرې میاشتې رئیس له نړیوالې ټولنې وغوښتل چې له سیاسي مسایلو پرته د افغانستان له خلکو سره مرسته وکړي.

د افغان سرې میاشتې ټولنه وايي، په تېرو ۹ میاشتو کې یې د هېواد په ۲۳ ولایتونو کې له زلزله ځپلو، وچکالۍ، سېلاب ځپلو، بې وزلو او اړمنو سره د ۴۳۴،۶۹۰،۳۰۰ افغانیو نغدي مرسته کړې ده.

د افغاني سرې میاشتې ټولنې عمومي رئیس په افغانستان کې د ترکیې له سفیر سره په کتنه کې په دغه هېواد کې د تېرې دوشنبې د ورځې د زلزلې له امله له زیانمنو شویو کورنیو سره د ۴،۵ میلیونه افغانیو مرسته وکړه.