په بشردوستانه چارو کښې د ملګرو ملتو د سرمنشي مرستیال مارټین ګریفیتس د ایران اسلامي جمهوریت ته د خپل سفر په لړ کښې د دغه هیواد د بهرنیو چارو له وزیر سره د افغانستان د حالاتو په هکله خبرې اترې وکړې.

د اسلامي امارت د امر به معروف و نهی از منکر وزیر محمد خالد حنفي د افغانستان لپاره د ملګرو ملتونو د سرمنشي له ځانګړي استازي سره په کتنه کې وویل: اسلامي امارت غواړي چې د خلکو په زړونو حاکم شي. "داسې حکومت چې په هغه کې د مظلوم غږ اورېدل کېږي او د ښځو ظلم پای ته رسېږي."

د ملګرو ملتونو سرمنشي انتونیو ګوتریش د قرغزستان پخوانی ولسمشر رزا اوتونبایوا د افغانستان لپاره د خپلې ځانګړې استازې او په کابل کې د ملګرو ملتونو د مرستندویه دفتر (یوناما) د مشر په توګه ټاکلی دی.