د هرات والي د پاسپورت ریاست په دغه ولایت کې هره ورځ په انلاین توګه د ۱۰۰۰ پاسپورټونو د وېش لړۍ اعلان کړه او ویې ویل، چې له راتلونکې اونۍ څخه به په دغه ولایت کې ۱۵۰۰ پاسپورټونه پر غوښتونکو ووېشل شي.

د هرات د پاسپورت ریاست چارواکي وايي، سبا شنبه (د سنبلې د میاشتې په ۵ مه) به د دغه ولایت پر اتباعو ۱۵۰۰ پاسپورټونه وویشل شي.

په تهران کې د افغانستان د سفارت مشر مولوي فضل محمد حقاني د ایران د اسلامي جمهوریت د بهرنیو چارو وزارت د قونسلګرۍ د چارو له مسوولینو سره په کتنه کې د افغان ماشومانو د حقوقي ستونزو د حل غوښتنه وکړه او زیاته یې کړه چې دغه بهیر په دغه سفارت کې د هېواد اتباعو ته د پاسپورټونو د وېش لړۍ په تدریجي ډول ترسره کېږي.

د اسلامي امارت د بهرنیو چارو وزارت چارواکو د افغانستان هغو ماشومانو ته چې په ترکیه کې زیږیدلي دي، د پاسپورټونو د ویش بهیر پیل کړی دی.