د کابل ښاروالۍ مسوولین وايي، چې په ۱۴۰۱ لمریز کال کې دې ادارې څه باندې ۴،۳ میلیارده افغانۍ عواید راټول کړي، چې د ۱۴۰۰ کال په پرتله یو میلیارد افغانۍ زیاتوالی ښيي.

د مزارشريف ښاروال وايي، چې د تېر کال په پرتله د دغه رياست عوايد زيات شوي دي. دده په وینا؛ د اټکل له مخې، د مزارشريف ښاروالۍ بايد سږ کال ۵۱۲ ميليونه افغانۍ عوايد ترلاسه کړي وای، خو دوی توانېدلي چې په شفافيت سره دغه عوايد ۷۵۲ ميليونه افغانيو ته لوړ کړي.