د ملګرو ملتونو د بشري مرستو د همغږۍ د دفتر (OCHA) په ګډون په افغانستان کې د ۲۰ نړیوالو سازمانونو او مرستندویانو رییسانو په یوه ګډه اعلامیه کې په کورنیو او بهرنیو غیر دولتي ادارو کې د ښځو پر کار بندیز نیوکه کړې او خبرداری یې ورکړی چې له دې پرته ښځینه مرستندویه کارکونکي به په افغانستان کې ډیری مرستندویه فعالیتونه ودروي.

په افغانستان کې د ژمي موسم په درشل کې، د ملګرو ملتونو د ماشومانو وجهي صندوق د خلکو لپاره د سخت ژمي د خبرداري په ترڅ کې له مرسته کوونکو هېوادونو څخه د ۷۵ میلیونه ډالرو مرستې غوښتنه وکړه.