د افغانستان د مرکزي بانک ویاند حسیب الله نوري وايي، د دغه بانک مشر هدایت الله بدري د کابل - هرات پر لویه لار په یوه ترافیکي پېښه کې ټپي شوی، خو موټر چلوونکی یې وژل شوی دی.

د افغانستان د مرکزي بانک رئیس هدایت الله بدري د رئیس الوزرا د سیاسي مرستیال او سرپرست مولوي عبدالکبیر سره په کتنه کې د نویو بانکنوټونو د چاپ لپاره له بهرنیو شرکتونو سره د مرکزي بانک د هوکړي خبر ورکړ.

د اسلامي امارت په نویو ګمارنو کې د دغه وزارت د عوایدو او ګمرکونو مرستیال ملا محمد ناصر د مالیې وزارت د سرپرست په توګه ټاکل شوی دی. ملا هدایت الله بدري تر دې وړاندې د اسلامي امارت د مالیې د سرپرست په توګه دنده ترسره کوله.