ولس ته د حکومت د حساب ورکونې د بهیر په دوام کې د خوراکي توکو او درملو ملي ادارې د خپل یو کلن کار راپور له رسنیو سره شریک کړ او ویې ویل چې په هېواد کې د څه باندې ۳۰۰ ډوله درملو د تولید لپاره زمینه برابره شوې ده.

د چاپېریال ساتنې ریاست مسوولینو د حکومت د اطلاعاتو او رسنیو په مرکز کې د یوه خبري کنفرانس په ترڅ کې د حکومت د حساب ورکونې پروسې او ولس ته د حساب ورکونې د بهیر په تړاو د خپلو کلنیو کړنو راپور وړاندې کړ. د دوی په وینا، تر اوسه د نړیوالو موسسو په همکارۍ د ۸۹۵ میلیونه ډالرو په ارزښت ۳۱ پروژې لاسلیک شوي دي.