د غزني ولایت سیمه ییزو چارواکو په دغه ولایت کې پر ۱۵۵۰ اړمنو کورنیو د خوراکي توکو د وېش اعلان کړی دی.

د کابل والي شیخ محمد قاسم خالد د کابل د چارواکو او د کورنیو او بهرنیو مرستندویه ادارو ترمنځ د همغږۍ په غونډه کې د مرستو په وېش کې پر لا زیات روڼتیا او د سیمه ییزو ارګانونو او ادارو ترمنځ په همغږۍ ټینګار وکړ.

د اسلامي امارت ویاند په هیواد کې د بشري مرستو د ویش په بهیر کې د لاسوهنې ادعاوې ردوي او وايي چې مرستندویه موسسو د بودیجې د کمښت له امله خپلې مرستې کمې کړي دي.

چارواکي وايي، په هرات، غزني او پنجشېر ولایتونو کې څه باندې ۳۹۷۹ کورنیو ته د نړیوالو مرستندویه ادارو له خوا خوراکي توکي او نغدي مرستې وېشل شوې دي.

په افغانستان کې د ملګرو ملتونو د بشري مرستو د همغږۍ دفتر (OCHA) ویلي، تېر کال یې په افغانستان کې له ۱۸.۸ میلیونه خلکو سره مرسته کړې، اوچا زیاته کړې چې د ۲۰۲۳ کال تر پایه ۲۸.۳ میلیونه خلک بشري مرستو ته اړتیا لري.

د افغانستان مرکزي بانک وايي، د نړیوالې ټولنې د بشري مرستو له لړۍ څخه د څه باندې څلویښت میلیونه ډالرو په ارزښت د مرستو یوه بسته نن سه شنبه (کب ۲۳) کابل ته راورسېده.